MEDCHANGE

O Proxecto pretende obter series temporais longas de datos dos rexistros sedimentarios formados por fanerógamas mariñas para responder a cuestións clave para o ambiente e a súa xestión.

Globalmente invírtense billóns de euros para avaliar servizos de ecosistema e as respostas destes fronte a presións naturais e antrópicas. Non obstante, os rexistros contemporáneos de monitoraxe son curtos e normalmente inadecuados debido a que os cambios nos ecosistemas ocorren en diversas escalas temporais e espaciais.

O Proxecto pretende usar o rexistro de fanerógamas mariñas para reconstruír a historia milenaria dos ecosistemas costeiros, para así identificar condicións de referencia, as traxectorias de cambio nas condicións ecolóxicas, ciclos e umbrais de cambio na dinámica dos ecosistemas modulados por forzas naturais e antrópicas, así como determinar o papel das fanerógamas mariñas como sumidoiros biogeoquímicos na rexión Mediterránea.