Abstract
Neste estudo presentamos unha metodoloxía para estimar e mapear o contido de carbono orgánico do solo (COS) nos horizontes superficiais utilizando datos espectroscópicos (FTIR–ATR) e datos ambientais en formato ráster. Determinamos o contido de COS en 221 mostras de solo superficial en Galicia (NO de España) empregando o método Walkley–Black. Os datos espectroscópicos FTIR–ATR foron medidos nas mesmas mostras. Utilizouse a técnica Random Forest (RF) para relacionar as concentracións de COS medidas coas medicións FTIR–ATR co fin de identificar as bandas de absorbancia relevantes que explican a maior parte da variabilidade do COS. Logo empregamos regresión lineal múltiple (MLR) para predicir as concentracións de COS a partir das bandas FTIR–ATR seleccionadas como variables independentes. Este modelo mostrou un bo rendemento predictivo (r-cuadrado = 0,88; RSME = 2,14; ME = 0,05; RPD = 3,14), indicando que o COS pode estimarse eficazmente a partir das bandas espectrais identificadas. Finalmente, utilizamos a técnica Partial Least Squares (PLS) para modelar a distribución espacial das bandas predictoras empregando varios mapas ráster ambientais (clima, uso do solo e xeoloxía) como covariables. Este novo ráster utilizouse no modelo MLR previamente creado para xeneralizar as predicións de COS en toda a área de estudo. Este enfoque demostra que os datos FTIR poden empregarse para mapear o COS minimizando os custos analíticos e o esforzo temporal.
